Jasım bolsa jigirma ekiden o’tip baratır. Ju’risim usı. U’yleniwge qız joq desem, “Qız ko’p emespe ne?” degen qasımdag’ılardın’ sorawı tayar turadı. Bul so’zge negizi o’zim qosılmayman. Qız degen telefon emes-g’o, ko’ringenin ala beretin. Sezimsiz alıng’an jartın’ menen qansha jasawg’a boladı eken, bilmeymen. Sebebi og’an u’ylenip alıp, son’ basqa birewdi jaqsı ko’rip qalsam qıynalıp ju’rgim kelmeydi. Men ushın hayal – ol keleshek yarım, shan’arag’ımnın’ uytqısı, balalarımnın’ anası. Sonlıqtan jaqsı a’wlad qaldırıw ushın unatıp u’yleniwim kerek degen pozitsiyam bar.

Bilmeymen, biraq ha’zirgi waqıtta men ushıratqan qızlardın’ ko’pshiligi bir-eki ushırasıwdan keyin olardın’ barlıq qa’siyetlerin ko’rip, ju’riwge “jelanie” qalmaydı. Anıg’ıraq aytsam minezi unamaydı, islegen ha’reketi. Geyde oylanıp qoyaman, o’zi ideal qız joq shıg’ar, kemshiligin du’zep ju’rsem be dep, o’zimdi jubataman. So’zdin’ qısqası ha’zir u’ylengim keledi, son’ kelmeydi. Oqıwımdı pikerip alayın, jaqsı qa’nige bolıp, ko’ligimdi alıp, son’ bir arıwdı ushıratıp u’ylenip alarman.

Al siz ne deysiz??


A’dilbek.
su’wret: yandex.ru