Yuta universitetinin’ (AQSH) esaplaw texnikası ilimpazları superkompyuterler o’ndiriw tarawında u’lken na’tiyjege eristi. Olar ha’zirgi kompyuterlerdin’ redaktorlaw (jumıs islew) tezligin mın’ ese ku’sheytiw mu’mkinshiligine iye boldı.

Da’stu’rli esaplaw protsessorlarının’ bazalıq printsipi elektron uzatıw ushın fizikalıq o’tkizgishlerden paydalanıladı. Al amerikalıq injenerler ultra juqa jaqtılıq formatın qurastırıp, uzatıw ushın adam shashınan 50 ese jin’ishke foton jaqtılıqların qollanıwdı usınadı. Al bunday fotonlardın’ bir millionı a’piwayı kompyuterdin’ mikrosxemasına ornatıladı.

“Ta’jiriybe boyınsha informatsiya uzatıwdın’ en’ tez usılı – jaqtılıq. Biraq informatsiyanı jiberiw ushın jaqtılıqtı da’slep elektronlarg’a aylandırıw za’ru’r. Sebebi jiberilgen mag’lıwmat elektron esaplawına tu’spese, kompyuterin’iz informatsiyanı qayta isley almaydı. Al biz tolıq uzatıw usılın jaqtılıq arqalı ju’klemekshimiz”, -dedi kompyuter injiniring tarawının’ professorı Radjex Menon.

İzertlew isleri Nature Phototronics ilimiy jurnalında ja’riyalandı.

İnformatsiyanı elektrong’a aylandırıw ushın jaqtılıqtı usaqlaw usılı qollanıladı. Menon basshılıq etetug’ın alımlar toparı jaqtılıq atomlarının’ ishinen ionlar ha’m elektronlardı o’z aldına bo’lekleydi. Son’ g’a’ressiz elektronlar superkompyuterge kelip tu’setug’ın informatsiyanı tez qayta islew ushın qollanıladı. Bul texnologiya kompyuterler menen bir qatarda, smartfon ha’m planshetlerde de qollanıladı. Al bunın’ iykemlesiwine reje boyınsha, eki jılg’a shamalas waqıt sarıplanadı.


derek ko’zi, su’wret: gadgetblog saytınan.