Du’nya ju’zinde qansha adamlar ko’p bolsa sonshama minezler bar. Ayırım qa’siyetlerdin’ bir-birine uqsas ta’repleri de bar. Psixolog qa’nigeler geometriyalıq figuralardın’ ja’rdemi menen 8 tu’rli adamdı su’wretlegen. Usılardın’ ishinen, o’zin’izge unag’an figuranı tan’lap, to’mendegi qa’siyetler menen tanısıp shıg’ıwın’ızg’a boladı.

1. – “Basqarıwshı”
A’dette bunday adamlardın’ sho’lkemlestiriwshilik uqıplılıg’ı joqarı bolıp, basqarıwg’a uqıplı boladı. So’zge sheber bolıp, aldında turg’an ko’pshilik adamlardı o’zine qarata aladı. Ja’ma’a’tke tez sin’isedi.

2. – “juwapkershiligi joqarı”
Basqarıwshı minezi bar, biraq za’ru’r qarar (sheshim) qabıllaw waqtında qattı qıynaladı. Hadallıqtı, haqıyqatlıqtı joqarı bahalap, o’zinen de, o’zgelerden de juwapkershilikti talap etedi. O’tirik penen jag’ımpazlıqtı unatpaydı. Geyde nervi shıg’ıp turadı.

3. – “ha’r na’rseni oylawshı…”
Qolınan ko’p na’rseler keledi. Miynetkesh. Kitap oqıwdı unatadı. Mayda shu’yde jumıslarg’a tez iykemlesedi. Bir qa’lipte ju’riwdi unatpaydı. Qa’nigelikleri menen qızıg’ıwshılıqların tez o’zgertip turadı. Tazalıqtı unatadı. O’zgelerdin’ kewline qaraydı. Ba’rhama a’tirapındag’ılardı qollap-quwatlap ju’redi.

4. – “alım”
Real o’mirden alıslap, qıyın sorawlardın’ juwabın izlep ju’redi. Ha’r bir isine baha beredi. Bul tiptegi ko’pshilik adamlar kino, tsirk, teatr, rejissura, multiplikatsiya sıyaqlı tarawlarda jumıs isleydi.

5. – “intuitsiyalıq”
Tez ashıwlanıp qaladı. O’zgelerge g’amxor. Ta’kappar, egoist adamlardı jaman ko’redi. Aq ko’kirek.

6. – “oylap tabıwshı, do’retiwshi, su’wretshi”
Texnikanı tez u’yrenip alıwg’a beyim. Su’wret saladı. Aqıl-oy miynetin jaqsı ko’redi. O’zgelerdin’ bag’dar berip, basqarg’anın unatpaydı. Sheshimdi ha’rdayım o’zi qabıllaydı. Tınıshlıqtı jaqsı ko’redi. Qolg’a alg’an jumısın a’melge asırmag’ansha tınbay ha’reket etedi.

7. – “mexriyban”
İshki du’nyası sulıw. O’zgelerdin’ kewline qarap, olar ushın ko’p na’rse islep beriwge tayar. Ha’mmeni o’zine jaqın ko’redi. Olardın’ uwayım qayg’ısın, quwanıshın o’zinikindey sezinedi.

8. – “suwıq”
O’zinin’ rejelerin, maqsetlerin, hesh kimge aytpaydı. Ko’pshilik penen tez qarım qatnasta bola almaydı.


Esletpe: Joqarıdag’ı qa’siyetler tolıq durıs degeni emes, tek bul psixolog qa’nigelerdin’ boljawı.


derek: vk saytınan.