Turmısımızda mikrotolqınlı peshtin’ payda bolıwının’ na’tiyjesinde awqattı tez waqıtta jılıtatug’ın boldıq. Bunday peshler son’g’ı waqıtları asxanalarda ha’m awqatlanıw orınlarında jiyi qollanılmaqta. Biraq mikrotolqınlı peshten paydalanbastan aldın, qa'wip’izlik ilajlarına a’mel qılıw kerek. Saytımız arqalı mikrotolqınlı peshke qoyıwg’a bolmaytug’ın na’rselerdin’ ayırımları menen tanıstıramız.

Ma’yek



Pispegen ma’yekti mikrotolqınlı peshke salıwg’a bolmaydı. Sebebi ma’yektin’ ishi puwlanıp, qabıg’ı jarılıp ketiwi mu’mkin.

Boyalg’an (ren’li) ıdıslar



Ren’li (nag’ıslar) ha’m gu’ller menen bezetilgen ıdıslarg’a awqat quyıp (salıp), mikrotolqınlı peshke jılıtıwg’a bolmaydı. Sebebi ıdıstag’ı boyawlar ko’shiwi mu’mkin. Sonday-aq, metal ıdıslar menen de awqat ısıtıwg’a bolmaydı. Qızg’an waqıtta awqatın’ız ku’yip ketiwi mu’mkin.

Fast-fud karobkaları



Geyde fast-fud tag’amların satıp alg’anda karobkag’a salıp beredi. Al karobkalar alg’an tag’amın’ızdı jıllı saqlanıwına xızmet etedi. Degen menen, jılıtıw ushın karobkalar menen birge mikrotolqınlı peshke salıwg’a bolmaydı. Sebebi, qızdırg’anda ol karobkalardan adam densawlıg’ına qa’wipli zatlar bo’liniwi mu’mkin.

Folga (jıltır qag’az)



Mikrotolqınlı peshte tag’amdı folgag’a orap qızdırıwg’a bolmaydı. Sebebi, folga tag’amg’a ıssılıq o’tkizbeydi ha’m tez tu’tep ketiwi mu’mkin.

Plastikalıq ıdıslar



Mikrotolqınlı peshte plastikalıq ıdıslar menen awqat ısıtıwg’a bolmaydı. Qızg’an waqıtta bul ıdıslardan adam densawlıg’ına zıyanlı zatlar bo’linedi.