Бурынғы дүньяға белгили спортшылар дүкән яки ресторан ашып келешегине жол тапқан болса бүгинги жулдызлар заманагөй коммуникациялық технологиялар тараўына пул тигетуғын болды.

Майкл Джордан миллионларын не қылды?



Щвейцарияның Sportradar компаниясы спортқа байланыслы информацияларды жыйнаў ҳәм анализлеў менен шуғылланады. Бүгинги күни компания статистика тараўындағы лидер компаниялардан есапланады. Олар реал ўақыт ишинде спорттың 48 түринен информация жеткерип береди. Компания букмекер конторалары менен Google ҳәм Yahoo Sports компаниялары менен бирге жумыс алып барады. Бир неше ай алдын НХЛ ҳәм НФЛ компаниялары менен көп жыллық шәртнама дүзди. Өткен айдың ақырында Sportradar 44 миллион доллар инвестициялы болып алды. Усы муғдардағы қәрежетти НБА клублары ийелери болған Майкл Джордан (Шарлотт Хорнетс), Тед Леонсис (Вашингтон Уизардс) ҳәм Марк Кьюбанлар (Даллас Маверикс). Бул баскетбол әпсанасының биринши инвестициясы еди.

Бекхэмдей болып сүўретке ал



Футбол жулдызы Дэвид Бэкхэмниң тап ҳәзирги ўақытта не менен шуғылланып атырғанын билгиңиз келсе видеотрансляция ушын MyEye қосымшасынан пайдаланың. Бул социаллық тармақ болып табылады. Сайтта пайдаланыўшы видеоны онлайн тәризде жайластыра алады. Телефондағы камера пайдаланыўшының әтирапында болып атырғанларды туўрыдан-туўры трансляция ислейди. Бул видеоны 72 саат даўамында дүньяның қәлеген жеринде көриўге болады.

Англия сайланды командасының бурыңғы ярым қорғаўшысы MyEye өткен жазда инвестиция киргизген еди. Бэкхэм компанияға еки миллион фунт стерлинг әтирапында инвестиция алып кирген еди.

«MyEye социаллық медиа дүньясын өзгертип жибереди» - деп атап өткен еди футболшының өзи журналистлерге. Бэкхэм аты менен алып барылған маркетингтиң нәтийжесинде биринши 48 саат ишинде бул программаны өз телефонына төрт миллионнан артық адам жүклеп алған еди.

Робин ванн Перси, Сеск Фабрегас ҳәм Тъерри Анри қалайынша бирлести

Grabyo британияның ең әўметли стартапларының бири (стартап-процесстиң басланыўы). Компания туўрыдан-туўры трансляциялар ўақтынан көринислерди кесип алып бериў технологиясын ойлап тапты.

Компанияны пул менен тәминлеўге белгили жулдызлар болған Тъерри Анри, Сеск Фабрегас ҳәм Робин ванн Перси ҳәм НБА ның 4 мәртебе чемпионы Тони Паркер қосылған еди. Спортшылар компанияның келешеги ушын еки миллион доллар жумсады ҳәм социаллық тармақта пиары менен шуғылланды.

Компания англия чемпионаты ойынларында, Ла Лига ҳәм Чемпионлар лигасы, соның менен бирге НХЛ ҳәм Уимблдон турниринде де қатнаса баслады.

Иньеста ҳәм Роналдуның гаджети



Басқа стартапқа «Барселона» ярым қорғаўшысы Андрес Инъеста пул тиккен еди. Футболшы кишкене камераға қатты қызығып қалды, камера футболшының көкирек алдына орнатылады ҳәм ойынды футболшының көзи менен көриўге имканият жаратып береди. Ақыллы футболканың Испанияның FirstV1sion компаниясы ойлап тапты.

Технология «Барселона» ҳәм «Реал» баскетбол клублары ортасында болып өткен ойында сынап көрилген еди, бүгинги күни Евролига ойынларында сынап көрилмекте. Камера төрешиниң футболкасына орнатылған.

Криштиану Роналду да технологиялар тараўына кирип келди. Monster компаниясына бирлескеннен соң футболшы ROC Live Life Loud бренди менен наушниклерди ислеп шығара баслады. 170 ҳәм 300 доллар туратуғын наушниклер өткен жазда саўдаға шығарылған еди. Роналду наушниклерден тысқары ROC BackFloat стереоколонкасына усынды.

Маррей 3D технологиялары



Энди Маррейди стартапларға пул тиккенлер ишинде рекордшы деп есаплаўға болады. Ол бир нешше жойбарларға қатнаса баслады. Олардың ҳеш бири спортқа байланысы жоқ. Trillenium – виртуал реаллықты сәўлелендириўши дүкән, Shavekit сақал алыўшы үскенелерди ислеп шығарады. Ал My Mini Factory болса 3D технологиялары фанатлары ушын социаллық тармақ сыпатында хызмет етеди.


Талғат Абдижалиев,
ҚМУ журналистика қәнигелиги 4-курс студенти.