2013-жылы www.megaline.uz сайтының “Кеўил дәптери” бөлими арқалы жаслар арасында “Сизге қандай қызлар/жигитлер унайды?” атамасындағы сораўнама өткерилген еди. Сораўнамаға көплеген пайдаланыўшылар қатнасып, өзлериниң пикирин билдирип өтти. Усы сораўнама арқалы сайтымыз пайдаланыўшысы Мадетбай ийбели қыз түсиниги ҳаққында өзиниң пикирин айтып берди.

Демек Мадетбайдың пикири менен танысың:

Жеке өзиме ийбели қызлар. Ийбели қызлар. Және ийбели қызлар унайды.

Ийбели қыз дегенде нени түсинесиз?
Ийбели қыз дегени бул – сөйлер сөзин, отырар орнын билетуғын, әдепли, тәртипли, салдамлы, жүрислери назлы, күлгенлери жағымлы, өзин услап билетуғын, өз қәдирин билетуғын, ақ-кеўил, шийрин сөзли, сүйкимли, көзлери күлимлеп туратуғын, жүзинен нур жаўып туратуғын, ишки дүньясы гөззал, шырайлы, әжәйып қыз көз алдыма келеди.

Усындай қызды ушыратсам, анама келин, өзиме өмирлик жолдасым болыўын сорап, үйине жаўшы жиберер едим. (эх қандай әжайып)