O’mirdegi ayrıqsha adamım, janım, ahwalın’ız qalay? Al mende ha’mmesi jaqsı. Tek sizin’ qasın’ızda emesligim ushın sag’ınaman. Siz benen o’tken ku’nler menen jasayman.
Ele esimde, ekewmiz muzikag’a birinshi ret oynag’an waqtımız. Uyalıp zorg’a oynag’an edim… Qız sezimi, a’lbette ba’rqulla sır. Sizin’ xabarlasıwın’ızdı ku’tken edim. Biraq shıdamadım. “Sotsiallıq tarmaqta” en’ da’slep siz jazatın edin’iz, biraq usı ret shıdamay “qalaysız?” degen edim. Sol waqıttan baslap ekewimiz telefon arqalı so’ylesip, aqırı ushırasqan edikg’o. Sol ku’nnen baslap birge edik. Esin’izde me, 9-noyabr? Bul ku’ni sizin’ usınısın’ızdı qabılladım. A’lbette esin’izde bolatını so’zsiz. Sebebi, sizin’ ju’zin’izde sol waqıttag’ı mag’an bolg’an haqıyqıy sezimin’izdi ko’rdim.
Qala ko’shelerinde yaki oqıw orınında qol uslasqan ashıqlardı ko’remen. Sol waqıtta oyıma siz kelesiz… Ko’zime, bilesizbe, jas keledi. Ol quwanıshtın’ da, qayg’ının’ da jası emes. Ol sizge bolg’an sag’ınıshımnın’ jası. Kewil xoshım bolmag’an waqıtlarımda o’zin’nin’: “Menin’ janım aqıllı. Ha’mmesi jaqsı boladı. Tek sabag’ın’dı jaqsı oqı. Hesh na’rseni uwayımlama. Men tek senin’ qasın’daman. Men seni su’yemen.” , - dep man’layımnan su’ygen waqtın’ız yadıma tu’sedi. Men sizge ashıqpan! Onı heshkim de hesh qashan o’zgerte almaydı, tek sizden basqa…
Aytpaqshı, o’tkende men siz benen telefon arqalı so’yleskende durıs itibar bermedim. Qapalısız, bilemen. Keshirim sorayman. Endigiden bılay tek sizdi g’ana tın’lawg’a so’z beremen. Tashkentke jol ju’riwin’izge de men sebep bolg’anman. Sizdi qıynap ju’rgenimdi oylasam, o’zimdi qoyarg’a jer taba almayman.
Aldımızdag’ı qanshama qıyınshılıqtın’ birinen jen’ilsek, birinen jen’ip ju’rdik. Sol qıyınshılıqlardı hadal isenim menen, pa’k sezim menen jen’dik. Ko’riskenshe saw-salamat bolın’.
Sırlı qız.
Muxabbatqa isengim keledi…
Saat tu’ngi eki. Uyqım birden ashılıp ketti. Aynag’a qarasam qar jawıp atırg’an eken. Sol qız benen birinshi ret tanısqanda da qar quyıp jawıp edi. Awa, bul estelikler yadımnan...
Toyda oqılg’an xat
- Sa’lem Aydos! Qalaysan’? Bu’gin senin’ toyın’ boladı degennen keyin qolıma qa’lem alıp, sag’an xat jazayın dedim. Sebebi aldın tek meniki bolg’an edin’. Ekewmiz qanshama jazdın’ sulıw...
Qar aralas sezim
Birinshi qar jawdı.... Esin’de ma? O’tken jılı ushraspasımızdan bir ku’n aldın ko’p bolıp qar jawıp edi. Sonda sen aytıp edin’- men sen ushın jawdırdım sol qardı...
“Ashıqlar telefonda, telefon ashıqlarda…”
Bu’gingi ku’nde turmısımızda ashıqlar texnika menen texnologiyanın’ qızıg’ın ko’rip, telefon arqalı so’ylesip, SMS xatlar jazıwdan sharshamaydı. Son’g’ı waqıtta...
Qaysı terekti tan’laysız (psixologiyalıq test)
To’mende ha’r tu’rli tereklerdin’ su’wreti keltirilgen. Qaysısı ko’zin’izge ayrıqsha bolıp ko’rinse, sol terektin’ nomerin tan’law kerek. Eger terekti tan’lap bolg’an bolsan’ız o’zin’iz haqqında test...
