Skype programması arqalı bolıp o’tken onlayn-betashar toyı ko’pshilikti hayran qaldırdı dep xabarlaydı tengrinews saytı. 23-aprel ku’ni Qazaqstannın’ Qarag’andı wa’layatında onlayn u’yleniw toyı o’tkerildi. “Sol ku’ni betashar menen u’yleniw toyı ra’smiy tu’rde onlayn bolıp o’tti” - dedi toy operatorı Bekzat Rımqulov. Operator tu’sirgen videoko’rinislerinin’ ayırımların Facebook tarmag’ına ju’klegen.

Qazaqstanlı eki jas-jubay AQSHta oqıp atır eken. Ayırım sebeplerge baylanıslı toydı AQSHta turıp onlayn o’tkeriwge sheshim qabıllag’an. Al toy Qarag’andıdag’ı toyxanalardın’ birinde bolg’an. Toyg’a ag’ayın-tuwg’an, ha’mme-ha’mmesi qatnasqan. Bir qızıg’ı toy tu’ngi 1 de baslanıptı.

Esletip o’temiz, bul Qazaqstandag’ı birinshi onlayn-toy emes eken. Bunday waqıya aldınlarıda bolg’an eken.

su’wret: youtube.