Ha’zirgi waqıtta tez tayarlanatug’ın awqatlar orayına (kafe/bar) barg’anımızda ayırım tag’amlar tanıs, al ayırımları tanıs emes ha’r tu’rli awqat tu’rleri jazılıp turadı. Geyde awqat menyular diziminen olardın’ atınan basqa ayırmashılıqtı bilmeymiz, al su’wretine qarap anıqlayıq desek, su’wretide ko’rsetilmeydi, tag’am quramıda jazılmaydı. Gamburger menen chizburgerdin’ bir-birinen ayırmashılıg’ı qanday?



Gamburger – sendvichtin’ bir tu’ri bolıp, bo’lingen nannın’ ortasına quwırılg’an kotlet salınıp tayarlanadı. Go’sh penen birge mayonez, ketchup, salat japırag’ı, qıyar, pomidor, quwırılg’an piyaz qosılıp tayarlanadı.



Chizburger – gamburgerdin’ basqasha tu’ri. Artıqmashılıg’ı – atı aytıp turg’anınday (cheese), quramında sha’rtli tu’rde syr boladı. Chizburgerge ko’binese kartoshka, mayek yaki salat salınadı. Syr qosılıwına baylanıslı chizburgerdin’ bahası gamburgerdin’ bahasınan joqarı bolıwı mu’mkin.