Jetiskenliklerge erisiwde to’mendegi ha’reketlerdi a’detke aylandırıw paydalı bolıp tabıladı.

1. Erte turıw
Ko’pshilik jetiskenliklerge erisken adamlar – erte turadı. Erte turatug’ın adamlar jaqsı keypiyat penen oyanadı. O’zin ja’nede jen’il sezedi. Siz ha’m erte turıp u’yrensen’iz bunı o’zin’izde sezesiz. Erte turg’an adamnın’ bir isi artıq dep biykar aytılmag’an.

2. Kitap oqıw
Eger ku’nine televizor yamasa kompyuter aldında o’tkergen bir saattı qızıqlı kitap oqıwg’a sarıplasan’ız, onda bilimin’izdi ja’nede tolıqtırasız. Sorawların’ızg’a tez juwap taba alasız, siz benen so’ylesiw qızıqlı boladı.

3. Keshiriw
O’zin’di jen’il seziw – bul za’ru’r emestin’ ha’mmesin jog’altıw. Keshiriwge bolatug’ın na’rselerdin’ ha’mmesin keshirip, jen’illetetug’ın zatlardı jen’illetiw kerek. Bug’an biraz waqıt shınıg’ıw kerek bolsa da, tu’binde jaqsı na’tiyjege erisiwge boladı. Oy menen seziw jan’aradı, siz kem uwayımlaysız ha’m ta’shwishin’iz azayadı. O’mirin’iz jaqsı bolg’an sayın, onnan ko’birek ra’ha’tlenesiz.

4. İzleniw
U’ziliksiz stresste bolıw jaman. Tınısh orında o’zin’izge waqıt tawıp, dem alın’. O’zin’izdi tın’lan’, ishki sezimlerin’iz ne deydi? Sizge za’ru’r na’rselerdin’ hammesine kewil bo’lin’.

5. Shınıg’ıw
Ba’rqulla belsendilik densawlıqtı saqlaydı. Eger shınıg’ıwg’a waqtın’ız bolmasa, waqıt tabıwg’a ha’reket etin’. Tek sport zalda g’ana emes, al u’yde de shınıg’ıwg’a da boladı.

6. Ku’ndelikli belsendi ha’reket
Adam ko’binese belsendi ha’rekette bolsa, jetiskenlikleri ko’p boladı. Sebebi a’wmet – bul ta’jiriybe menen mu’mkinshiliktin’ kesilisken ornı. Ta’jiriybesiz ziyrek bolıw qıyın. Belsendi ha’rkette bolıp, uqıplıg’ın’ızdı ko’rsete alıw ushın qa’legen mu’mkinshilikti paydalanıwg’a tayar bolasız.

7. Ortalıq
Jigerli, uqıplı adamlardın’ arasında ko’p bolıwg’a tırısın’. Usı a’det sizdi jetiskenliklerge erisiw ushın imkaniyat. Olar sizdi qollap, alg’a jetelep, jaqsı ken’esler beredi.

8. Alg’ıs jurnalın sho’lkemlestiriw
Jaqsılıqqa umtılın’. Uyqlamastan aldın o’zin’izdin’ kewlin’iz tolg’an na’rseler haqqında jazıp ju’rin’.

9. Alg’a qaray ja’nede umtılıw
Edison 10000 sa’tsiz urınıwdan keyin g’ana elektr lampochkasın islep shıg’arg’an. Wolt Disneydin’ Disneylend jobası ushın 303 ret bank qollap-quwatlamag’an. Bunday mısallar ko’p. Eger jetiskenliklerge eriskin’iz kelse, alg’a qaray ja’ne de umtılsan’ız utılmaysız.


Paydalanılg’an a’debiyat: liveinternet.ru